უმრავლესობისგან არასაჭირო თუ დაუფიქრებელი განცხადებები გვესმის, როცა EU-ს გადაწყვეტილებას ველოდებით - ზურაბიშვილი
გამოქვეყნდა:
უმრავლესობიდან ისეთი განცხადებები გვესმის, რომლებიც არ ვიცი, დაუფიქრებელია თუ არასაჭირო იმ მომენტში, როცა ვიცით, რომ ველოდებით გადაწყვეტილებებს - პრეზიდენტმა, სალომე ზურაბიშვილმა "პალიტრასთან" ევროკავშირთან დაკავშირებით ისაუბრა.
სალომე ზურაბიშვილმა თქვა, რომ ყველაზე მნიშვნელოვან დროს დაიწყო ევროპარლამენტარების კრიტიკა.
"ყოველთვის შეიძლება უკეთ მომზადება, ბევრი რამის გაკეთება შეიძლებოდა სხვანაირად, სხვა რიტორიკა შეიძლებოდა, ამაში ვარ დარწმუნებული და ეს გრძელდება ბოლო პერიოდში. გვესმის უფრო სხვათა შორის პარტიის კუთხით უმრავლესობიდან, ისეთი განცხადებები, რომლებიც არ ვიცი, დაუფიქრებელია თუ არასაჭირო იმ მომენტში, როცა ვიცით, რომ ველოდებით გადაწყვეტილებებს[...]
როცა ყველა იმას ელოდება, მომავალ კვირას რა იქნება, პირველი შეფასება კომისიის და შემდგომ ევროპული საბჭოსა და ქვეყნების მეთაურების გადაწყვეტილებები, ამ დროს ჩვენ ვაკეთებთ ისეთ განცხადებებს ხან ევროპარლამენტარებზე, ხან ევროპაზე, რომლებიც ცოტა გაუგებარი არის", - თქვა ზურაბიშვილმა პალიტრანიუსის ეთერში.
