რუსული სისასტიკისა და უკრაინული გმირობის ასი დღე | ჩვენ თვალწინ შეცვლილი მსოფლიო
გამოქვეყნდა:
100 უმძიმესი დღე სასტიკი ოკუპაციის პირისპირ და ჩვენ თვალწინ შეცვლილი მსოფლიო, რომელიც ზუსტად იმდენივე დღეს ითვლის, რამდენსაც რუსეთის ომი უკრაინაში.
უკვე 100 დღეა, უკრაინელი გმირი ხალხი, ამ ქვეყნის არმია, ხელისუფლება დათითოეული მოქალაქე, მსოფლიო მედიის მთავარი თემაა. 100 დღეა ყოველდღიურად ვხედავთ, როგორ დაინგრა ჩვენ თვალწინ, მითი რუსეთის უძლეველობის შესახებ და როგორ აღმოჩნდა გეოპოლიტიკურ მარტოობაში ქვეყანა, რომელიც, შეშლილი ლიდერის გამო, ტერორისტულ სახელმწიფოდ გადაიქცა.
რუსული ფაშიზმის და უკრაინული გმირობის ასი დღე. ომის, რომელმაც უამრავი უდანაშაულო ადმიანის, ქალებისა და ბავშვების, მათ შორის ჩვენი, ქართველი მეომრების სიცოცხლე იმსხვერპლა. პუტინის აუხდენელი ოცნება და ციხესიმაგრედ ქცეული უკრაინის დედაქალაქი, რომელსაც ასი დღეა უკრაინული არმია, ხალხი და ხელისუფლება საკუთარი სიცოცხლის ფასად იცავს.
