მარიუპოლისა და ბერდიანსკის პორტები ამუშავდა და მარცვლეულის გადასაზიდად მზადაა - შოიგუ
გამოქვეყნდა:
რუსეთის თავდაცვის მინისტრ შოიგუს განცხადებით, მარიუპოლისა და ბერდიანსკის საზღვაო პორტები ამუშავდა და მარცვლეულის გადასაზიდად მზად არიან.
"ბერდიანსკის საზღვაო ნავსადგურმაც დაიწყო მუშაობა. უმაღლესი მთავარსარდლის სახელით, მზად ვართ ამ პორტებში [ბერდიანსკი და მარიუპოლი] ჩავტვირთოთ მარცვლეული", - ამბობს შოიგუ.
მისივე თქმით, მარიუპოლის საზღვაო ნავსადგურის განაღმვა დასრულდა და "ის ნორმალურად ფუნქციონირებს და უკვე მიიღო პირველი სატვირთო გემები".
