ქუთაისში პარლამენტის დაბრუნებას მოითხოვენ - აქცია საკანონმდებლო ორგანოს ყოფილ შენობასთან
გამოქვეყნდა:
დაბრუნდეს პარლამენტი ქუთაისში - ამ ლოზუნგით პარლამენტის ყოფილ შენობასთან, სხვადასხვა პროფესიის ადამიანები შეიკრიბნენ და საკანონდებლო ორგანოს ქუთაისში დაბრუნება მოითხოვეს.
მოძრაობა "დატოვე პარლამენტი ქუთაისში" წევრების ინიციატივით, საკანონმდებლო ორგანოს ყოფილ შენობასთან ვიდეორგოლიც გადაიღეს. მისი მონაწილეების მთავარი გზავნილია, რომ ქუთაისელები საპარლამენტო არჩევნებზე მხარს იმ პოლიტიკურ ძალას დაუჭერენ, რომელიც საარჩევნო პროგრამაში დანაპირებს ასახავს, რომ პარლამენტი ქუთაისს დაუბრუნდება.
დღეს გვქონდა კლიპის გადაღება, სადაც პოლიტიკურ პარტიებს მოვუწოდებთ, მხარი დაუჭირონ ქუთაისში პარლამენტის დაბრუნებას და ყველა ის პოლიტიკური პარტია, რომელიც ამას გაითვალისწინებს და გაწერს პროგრამაში, იქნება მოძრაობის მხრიდან მხარდაჭერილი არჩევნების პროცესში, - ამბობს სამეცნიერო ინტელექტუალურ კლუბ "თაობათა დიალოგის" წევრი ნუგზარ კოხრეიძე.
