უკრაინის უსაფრთხოებამ კიევის რეგიონიდან ასობით საბჭოთა პასპორტი ამოიღო - ოკუპანტები "რეფერენდუმს" გეგმავდნენ
გამოქვეყნდა:
კიევის რეგიონის აღების შემთხვევაში რუსი ოკუპანტები გეგმავდნენ საოკუპაციო ადმინისტრაციის შექმნას და ფსევდორეფერენდუმის მოწყობას ადგილობრივი რესპუბლიკის გამოცხადების მიზნით - ინფორმაციას ამის შესახებ უკრაინის უსაფრთხოების სამსახური [SBU] ავრცელებს.
უწყება საბჭოთა პასპორტების ფოტოებსაც აქვეყნებს, რომლებიც ოკუპანტებს უკვე გამზადებული ჰქონდათ უკრაინის მოქალაქეებისთვის დასარიგებლად.
SBU-ს ცნობით, ბუჩას რაიონში, ქალაქ მაკარივის მახლობლად, მიტოვებულ სახლში აღმოაჩინეს მტრის თავშესაფარი, სადაც ყოფილი სსრკ-ს პასპორტები ინახებოდა. პოლიციამ ასობით ცარიელი ასეთი მოწმობა ამოიღო.
უკრაინაში ახლა მიმდინარეობს ოპერატიული მოქმედებები ამ დანაშაულის ჩამდენების პასუხისგებაში მისაცემად.
