ოლიგარქია და ევროკავშირი - რა წერია კონსტიტუციის 78-ე მუხლში და რას არღვევს ხელისუფლება?
გამოქვეყნდა:
კონსტიტუციურმა ორგანოებმა თავიანთი უფლებამოსილების ფარგლებში, უნდა მიიღონ ყველა ზომა ევროპის კავშირსა და ჩრდილოატლანტიკური ხელშეკრულების ორგანიზაციაში საქართველოს სრული ინტეგრაციის უზრუნველსაყოფად - ეს არის ციტატა საქართველოს კონსტიტუციიდან - მუხლი 78.
ხელისუფლება, რომელსაც კონსტიტუცია ავალდებულებს, რომ ყველაფერი გააკეტოს ქვეყნის ევროპული მომავლისთვის, სინამდვილეში აკეთებს ყველაფერს, რომ ბიძინა ივანიშვილის ოლიგარქიული რეჟიმი და მისი ძალაუფლება შეინარჩუნოს;
ევროპა კი უკვე ღიად გვეუბნება, რომ ოლიგარქიული რეჟიმი და ევროკავშირი ერთმანეთთან შეუთავსებელია - ოლიგარქმა, ჯერ კიდევ წლების წინ თქვა, რომ ევროპა უნდა გააოცოს ქართული დემოკრატიით - ახლა ევროპა გაოცებულია, მაგრამ ქართული დემოკრატიის ნაცვლად, ჩვენი რეალობით- როგორ გადაიქცა რეფორმების ლიდერი სახელმწიფო, რეგიონში ყველაზე მაჩანჩალა ქვეყნად - ქვეყნად, სადაც ერთი კაცის მმართველობა, ყველა მოქალაქეზე და ქვეყნის მთავარ კანონზე მაღლა დგას.
