ხარკოვის რეგიონში რუსი ოკუპანტების მიერ დაბომბვის შედეგად 73 წლის კაცი დაიღუპა, 5-მა მოქალაქემ კი სხვადასხვა სახის დაზიანებები მიიღო. ინფორმაციას ხარკოვის რეგიონული სამხედრო ადმინისტრაციის ხელმძღვანელი, ოლეგ სინეგუბოვი ავრცელებს.
"იზიუმის რაიონში ანდრიევკასა და დონეცის დაბომბვის შედეგად 73 წლის კაცი დაიღუპა და 4 მშვიდობიანი მოქალაქე დაიჭრა. კიდევ 1 ადამიანი დაშავდა ჩუჰუივში. დღის განმავლობაში ოკუპანტებმა ასევე დაბომბეს დერგაჩისა და ზოლოჩივის დასახლებები", - თქვა სინეგუბოვმა.
მანვე აღნიშნა, რომ ოკუპანტები ემზადებიან ახალი თავდასხმისთვის იზიუმის მიმართულებით.
"ჩვენი დამცველები გმირულად იცავენ თავს და მნიშვნელოვან ზარალს აყენებენ ოკუპანტებს", - აღნიშნა გუბერნატორმა.
