მოსახლეობა შემოსავლის გარეშე და გაძვირებული ცხოვრება - ვაშაძე ქუთაისელებს შეხვდა
გამოქვეყნდა:
მოუწესრიგებელი ინფრასტრუქტურა, მძიმე სოციალური მდგომარეობა, პანდემიის პირობებში ყოველგვარი შემოსავლის გარეშე დარჩენილი მოქალაქეები და გაძვირებული ცხოვრება - ამ პრობლემებზე "ნაციონალური მოძრაობის" თავმჯდომარესთან შეხვედრისას ქუთაისში, საფიჩხიის, გამარჯვებისა და ავტოქარხნის დასახლებაში მცხოვრებლებმა ისაუბრეს.
ყველაზე სასიამოვნო და გასახარელი ქუთაისში არის ის, რომ მიუხედავად ამ გაპარტახებული ეკონომიკური და სოციალური მდგომარეობისა, ხალხს იმედი არ აქვს დაკარგული. გამარჯვება უნდათ იმიტომ, რომ ამ ქვეყნის მომავალი აინტერესებს. ფანტასტიური მოსასმენია, როცა ამ ქალაქის ინტელიგენცია მსჯელობს, რა არის ქვეყანაში გასაკეთებელი, - ამბობს ვაშაძე.
