რუსეთში სამხედრო-სატრანსპორტო თვითმფრინავი Ил-76 ჩამოვარდა - დაღუპულია 4 ადამიანი
გამოქვეყნდა:
რუსეთში, რიაზანის ოლქის მახლობლად სამხედრო-სატრანსპორტო თვითმფრინავი Ил-76 ჩამოვარდა. ინფორმაციას რუსული "ინტერფაქსი" და სახელმწიფო მედია RIA ავრცელებენ.
რეგიონის მთავრობა აცხადებს, რომ დაღუპულია 4 ადამიანი, 5 დაშავებული კი საავადმყოფოში გადაიყვანეს.
თავდაცვის სამინისტრო ამბობს, რომ თვითმფრინავზე ტვირთი არ იყო, სასწავლო ფრენისას ეკიპაჟმა ძრავის გაუმართაობა შენიშნა და ადგილზევე დაშვება გადაწყვიტა.
