ცენტრალურ უკრაინაში, ჩერკასის რაიონში ოკუპანტებმა მდინარე დნეპრზე სტრატეგიული მნიშვნელობის ხიდი დაბომბეს - ორი რაკეტიდან ერთ-ერთი, რომელიც რუსმა სამხედროებმა ჩერკასისკენ გაისროლეს, დნეპრის გადაღმა ხიდს მოხვდა, განუცხადა Reuters-ს უკრაინის პრეზიდენტის ოფისის ხელმძღვანელის მრჩეველმა, ალექსეი არესტოვიჩმა.
გამოცემის ცნობით, შემთხვევას ერთი ადამიანის სიცოცხლე ემსხვერპლა, 5 ადამიანი კი დაიჭრა.
"დღეს მტერმა სარაკეტო შეტევა განახორციელა ჩერკასის რეგიონზე. რეგიონულ ცენტრთან 2 დარტყმა განხორციელდა. ერთი დაიღუპა და ხუთი დაიჭრა. ინფრასტრუქტურა დაზიანდა", - განაცხადა რეგიონის გუბერნატორმა, იგორ ტაბურეტსმა.
სტატიაში ვკითხულობთ, რომ ჩერკასი თებერვალში ომის დაწყების შემდეგ არ დაუბომბავთ, მაგრამ რუსეთმა გააძლიერა სარაკეტო თავდასხმები უკრაინაში ამ შაბათ-კვირას.
