რუსმა ოკუპანტებმა უკვე 339 ბავშვი მოკლეს, დაშავდა 614-ზე მეტი - უკრაინის პროკურატურა
გამოქვეყნდა:
უკრაინის გენერალური პროკურატურის ინფორმაციით, უკრაინაში რუსეთის სამხედრო აგრესიის შედეგად უკვე 339-მდე ბავშვია დაღუპული, 614-ზე მეტი კი დაშავებული.
ყველაზე მეტი ბავშვი დაზარალდა დონეცკის რეგიონში - 335, ხარკოვის ოლქში - 179, კიევის ოლქში - 116, ჩერნიგოვის ოლქში - 68, ლუგანსკის ოლქში - 57, ხერსონის ოლქში - 52, ნიკოლაევის ოლქში - 48, ზაპოროჟიეს ოლქში - 31, სუმის ოლქში - 17.
რუსეთის შეიარაღებული ძალების მიერ უკრაინის ქალაქებისა და სოფლების მასიური დაბომბვის შედეგად დაზიანდა 2 061 სასწავლო დაწესებულება, საიდანაც 213 მთლიანად განადგურდა.
აღნიშნული მონაცემები საბოლოო არ არის, რადგან აქტიური საომარი მოქმედებების გამო, დაღუპულთა და დაშავებულთა ზუსტი რაოდენობის დადგენა გართულებულია.
