ბორის ჯონსონი ბალიზე G20-ის სამიტზე დასწრებას აპირებს იმ შემთხვევაშიც, თუ იქ პუტინი იქნება | Guardian
გამოქვეყნდა:
დიდი ბრიტანეთის პრემიერმინისტრმა ბორის ჯონსონმა განაცხადა, რომ ის სავარაუდოდ დაესწრება ბალიზე G20-ის სამიტს, მაშინაც კი, თუ რუსეთის პრეზიდენტი ვლადიმერ პუტინი იქ წასვლას გადაწყვეტს, - ამის შესახებ ინფორმაციას The Guardian ავრცელებს.
მისი თქმით, ბოიკოტის გამოცხადება უბრალოდ "ყველა არგუმენტს“ დაუტოვებს რუსეთს და მის მოკავშირეებს.
ჯონსონმა ჟურნალისტებს განუცხადა, რომ "აბსოლუტურად გაოგნებული იქნებოდა", თუ პუტინი პირადად წავა ლიდერთა სამიტზე ნოემბერში ინდონეზიის კუნძულზე. მან ასევე აღნიშნა, რომ რუსეთის პრეზიდენტი არ მოგზაურობდა საზღვარგარეთ, თუმცა პუტინი ახლახან ეწვია ტაჯიკეთს და აპირებს წავიდეს თურქმენეთში.
"დიახ, ის ოფიციალურად არის მიწვეული, თუმცა არა მგონია წავიდეს. საკითხავია: ჩვენ, როგორც დასავლური ქვეყნები ვათავისუფლებთ ადგილებს G20-ში და მთელ არგუმენტს ვუტოვებთ ჩინეთსა და რუსეთს? G7-ზე საუბრის დიდი ნაწილი იყო იმაზე, ვაკეთებთ თუ არა საკმარისს იმისთვის, რომ მოვიგოთ სვინგის ამომრჩევლები? რა ვუყოთ შუა კრებას, ხალხს, ვინც უკრაინას უყურებს და არაერთგვაროვანი გრძნობები აქვს? ჩვენ მეტი უნდა გავაკეთოთ მათ მოსაგებად, ჩვენ უნდა დავადგინოთ ჩვენი საქმე", - თქვა ბორის ჯონსონმა.
შეგახსენებთ, რომ გავრცელდა ინფორმაცია, რომ პუტინი G20-ის სამიტზე დასწრებას გეგმავს.
