ამერიკელი ქალი American Airlines-ს მისი 12 წლის შვილის დაკარგვაში ადანაშაულებს

ამერიკელი ქალი ავიაკომპანიას მისი 12 წლის შვილის დაკარგვაში ადანაშაულებს - დედა ამბობს, რომ American Airlines-მა მისი 12 წლის ქალიშვილი, დაკარგა მიუხედავად იმისა, რომ მან გადაიხადა ფრენის საფასური. 

ბავშვი ტენესიდან მაიამიში მიფრინავდა. 39 წლის მონიკა გილიამს როდესაც ეგონა, რომ მისი ქალიშვილი, კიმბერი უსაფრთხოდ მიჰყავდათ ფრენაზე მამის მოსანახულებლად მაიამიში, American Airlines-ის მიერ 15 წლამდე ასაკის მგზავრებისთვის მოთხოვნილი მგზავრების სერვისით, დაურეკეს და უთხრეს, რომ ბავშვი დაკარგულია. 

”ეს იყო American Airlines-ის მენეჯერი მაიამიში და მან მითხრა: თქვენი შვილი დაკარგულია, ჩვენ დავხურეთ ტერმინალი, არ ვიცით სად არის. მე ვამბობდი: „როგორ დაკარგე ჩემი შვილი?“- თქვა მან. 

გილიამმა ახსნა, თუ როგორ გადაიხადა 150 დოლარის საფასური იმ სერვისის გამოყენებისთვის, რომელიც American Airlines-ის ვებსაიტზეა განთავსებული, რომლის თანახმად, კლიენტები ვალდებულნი არიან გადაიხადონ 5-დან 14 წლამდე ასაკის ბავშვების მარტო ფრენისას. ამ პროგრამით სარგებლობის დროს, თვითმფრინავში ზედამხედველი პირი ვალდებულია, ბავშვი მეურვეს გადასცეს და არ დატოვოს მარტო, სანამ ზრდასრული არ მიაკითხავს. 

ქალი ამბობს, რომ მისი 12 წლის შვილი ბორტიდან მარტო გაუშვეს და მისი ბედით აღარ დაინტერესდნენ. "ჩემი შვილი უბრალოდ გაათავისუფლეს" თქვა ქალმა და აღნიშნა, რომ მაიამი, სადაც მისი ქალიშვილი მარტო დაეშვა წარწერით „მარტო მყოფი არასრულწლოვანი“, არის ადამიანებით ვაჭრობის ცნობილი ცენტრი.

საბოლოოდ ბავშვმა შეძლო მამასთან დაკავშირება Facetime-ის საშუალებით, რომელიც შემდეგ დაეხმარა თავის მცირეწლოვან შვილს ნავიგაციაში. 

ქალმა ვიდეო სოციალურ ქსელ Tik-Tok-ში გამოაქვეყნა და მას ათასობით გამოხმაურება აქვს.