ზელენსკიმ 5 ქვეყანაში უკრაინის ელჩები თანამდებობიდან გაათავისუფლა - მათ შორის გერმანიაში
გამოქვეყნდა:
უკრაინის პრეზიდენტმა თანამდებობიდან გაათავისუფლა უკრაინის საგანგებო და სრულუფლებიანი ელჩები ხუთ ქვეყანაში: გერმანიაში, უნგრეთში, ნორვეგიის სამეფოში, ჩეხეთსა და ინდოეთში.
გათავისუფლებულთა შორისაა გერმანიაში ელჩი, ანდრეი მელნიკი, რომლის შესახებაც უკრაინული მედიის ინფორმაციით, გერმანულმა Bild-მა გაავრცელა ცნობა, რომ მელნიკს უკრაინის საგარეო საქმეთა მინისტრის მოადგილის თანამდებობაზე უპირებდნენ დანიშვნას.
მელნიკი ბოლო პერიოდში ცნობილი გახდა გერმანიის ხელისუფლების კრიტიკითაც. ის ამბობდა, რომ ოფიციალური ბერლინი უკრაინას იარაღს ნელი ტემპებით აწვდის.
