დონეცკში, საცხოვრებელი კორპუსის დაბომბვის შედეგად დაღუპულთა რაოდენობა 11-მდე გაიზარდა
გამოქვეყნდა:
დონეცკის ოლქის ქალაქ ჩასივ-იარში, რუსი ოკუპანტების მიერ საცხოვრებელი კორპუსის დაბომბვის შედეგად დაღუპულთა რაოდენობა გაიზარდა. ინფორმაციას უკრაინის საგანგებო სიტუაციების მართვის სამსახური ავრცელებს.
"ამ დროისთვის არსებული მონაცემებით, ქალაქ ჩასივ-იარში, 5-სართულიან საცხოვრებელ კორპუსზე სარაკეტო თავდასხმის შედეგად 11 ადამიანია დაღუპული, დაშავდა 5", - აცხადებენ უწყებაში.
კორპუსის ნანგრევებიდან მოქალაქეების გამოსაყვანად სამაშველო ოპერაცია გრძელდება. ადგილზე 67 მაშველი და 10 ერთეული სპეც. ტექნიკა მუშაობს.
არსებული ინფორმაციით, ნანგრევებში 30-ზე მეტი ადამიანია მოყოლილი, მათ შორის 9 წლის ბავშვი.
ამავე თემაზე:
