დონეცკში, კორპუსის დაბომბვის შედეგად დაღუპულთა რაოდენობა 15-მდე გაიზარდა - სამაშველო ოპერაცია გრძელდება
გამოქვეყნდა:
დონეცკის ოლქის ქალაქ ჩასივ-იარში, რუსი ოკუპანტების მიერ საცხოვრებელი კორპუსის დაბომბვის შედეგად დაღუპულთა რაოდენობა 15-მდე გაიზარდა.
"13:00 საათის მდგომარეობით, ჩასივ-იარში ხუთსართულიან საცხოვრებელ კორპუსზე სარაკეტო თავდასხმის შედეგად 15 ადამიანია დაღუპული, დაშავდა 5", - აცხადებენ უკრაინის საგანგებო სიტუაციების მართვის სამსახურში.
კორპუსის ნანგრევებიდან მოქალაქეების გამოსაყვანად სამაშველო სამუშაოები გრძელდება. ადგილზე 67 მაშველი და 10 ერთეული სპეც. ტექნიკა მუშაობს.
არსებული ინფორმაციით, ნანგრევებში 30-ზე მეტი ადამიანია მოყოლილი, მათ შორის 9 წლის ბავშვი.
ამავე თემაზე:
