"ჩვენ ვართ ილია ჭავჭავაძის პრინციპების გამგრძელებლები" - "ქართული მარში" პარტიას აფუძნებს

ულტრარადიკალური დაჯგუფება "ქართული მარში" პარტიის დამფუძნებელი ყრილობას ილია ჭავჭავაძის სახლ-მუზეუმის ეზოში ამ წუთებში მართავს.

თანხა, რის სანაცვლოდაც "ქართული მარშის" წევრები ამ ტერიტორიაზე შეუშვეს, სამიათასი ლარია. მუზეუმის დირექტორს "მთავარმა არხმა" ჰკითხა, აქვს თუ არა რაიმე ინფორმაცია "ქართული მარშის" ძალადობრივ ქმედებებზე, რაზეც მან განაცხადა, რომ მას მსგავსი ინფორმაცია არ აქვს. თუმცა მათთვის მნიშვნელობა არ აქვს, რა პოლიტიკური იდეოლოგიის მიმდევრები შეიკრიბებიან ილიას სახლ-მუზეუმის ეზოში და მზად არის, ეს ადგილი რუსული ფულით დაფინანსებულ ნეო ფაშიტურ მოძრაობას დაუთმოს.

იცით მე არ მაინტერესებს ამ შემთხვევაში რა იდეოლოგიას ემსახურება და არც ვიცი. არ გამიგია როგორი, რა გამოხატეს მათ ილია ჭავჭავაძის იდეების წინააღმდეგ და როგორ უყურებდნენ ილიას. ახლა ესენი იხდიან საათში 1500 ლარს, ორი საათი აქვთ ნაქირავები, - ამბობს მუზეუმის დირექტორი ანდრო ბედუკაძე.

"ქართული მარშის"  ერთ-ერთი ლიდერის, სანდრო ბრეგაძის თქმით, მისთვის სიმბოლურია, რომ პარტიას ჭავჭავაძის სახლ-მუზეუმში აფუძნებს, რადგან როგორც თავად ამბობს ჭავჭავაძის იდეებთან სრულ თანხვედრაშია. 

რაც შეეხება ორგანიზაციის დაფინანსებას, ბრეგაძის თქმით, ისინი მხოლოდ შიდა რესურსით სულდგმულობენ და ღონისძიების ჩატარებისთვის საჭირო თანხაც თვითონ შეაგროვეს. სანდრო ბრეგაძე ასევე ამბობს, რომ ის აუცილებლად იქნება წარმოდგენილი 2020 წლის საპარლამენტო არჩევნების შემდეგ საკანონმდებლო ორგანოში და არ გამორიცხავს, რომ თემატურად, მათ შორის "ქართულ ოქნებასთან" ითანამშრომლოს. 

ჩვენ, ფუძემდებლურად ვართ ილია ჭავჭავაძის პრინციპების გამგრძელებლები, თორემ "ნაციონალური მოძრაობა", ბოკერიას პარტია, ეს ურჯულოების კლასტერია ნამდვილად. მე საერთოდ ასეთ წესსაც დავაწესებდი, რომ ავუკრძალავდი მათ, არამარტო ილია ჭავჭავაზის სახლ-მუზეუმში შემოსვლას, არამედ ყველა ისეთ ძირითად, ჩვენს ფუძემდებლურ, სახემწიფოებრივ ადგილას ყოფნას, რომელსაც ისინი წაბილწავენ. რაც შეეხება თემატურ თანამშრმლობას, თუკი არჩევნები წარიმართა ისეთ რეჟიმში, რომელიც იქნება მიუღებელი ქართული საზოგადოებისთვის, საერთაშორისო საზოგადოებისთვის, ამ შემთხვევაში თემატურ თანამშრომლობას ჩვენ აბსოლუტურად, არავისთან არ გამოვრიცხავთ", - ამბობს სანდრო ბრეგაძე.

პარტიის დაფუძნების ღონისძებას "ქართული ოცნების" საკრებულოს ყოფილი თავმჯდომარე, ირაკლი შიხიაშვილიც ესწება. რომელიც "ქართული მარშის" იდეოლოგიას სრულად იზიარებს და სავარაუდოდ ისინი ერთ პოლიტიკურ პარტიად ჩამოყალიბდებიან. 

ულტრანაციონალისტური ჯგუფები შეკრებილები არიან ილია ჭავჭავაძის სახლ-მუზეუმის ეზოში და ეს მათთვის არის დასტური, რომ ისინი სწორ გზაზე, ილიას გზაზე დადიან.