15 წლის ბიჭს ბრალი წაუყენეს მკვლელობაში, რომელმაც ნიუ-იორკის მეტროში 14 წლის ბიჭს დანით სასიკვდილო ჭრილობები მიაყენა.
ნიუ-იორკის პოლიციის დეპარტამენტის ცნობით, ეჭვმიტანილ მოზარდს, ასევე ბრალად ედება იარაღის უკანონო შეძენა-შენახვა-ტარება. დაჭრა შაბათს დაახლოებით ღამის 3 საათზე მოხდა. დასავლეთის 137-ე ქუჩის მატარებლის სადგურში, ზემო მანჰეტენის ტერიტორიაზე.
ოფიცრებმა დაჭრილი არასრულწლოვანი იპოვეს ჩრდილოეთით მიმავალ No 1 ხაზის პლატფორმაზე მუცლის არეში დანით მიყენებული ჭრილობით. ის სასწრაფო დახმარების მანქანით გადაიყვანეს ახლომდებარე Mount Sinai Hospital-ში, მაგრამ ექიმებმა მისი გადარჩენა ვერ შეძლეს.
წინასწარმა გამოძიებამ დაადგინა, რომ ჩხუბი ეჭვმიტანილსა და მსხვერპლს შორის დაიწყო გარეთ. მაგრამ რა გახდა დაპირისპირების მიზეზი ამ დრომდე უცნობია.
