რუსმა ოკუპანტებმა ხარკოვი ისევ დაბომბეს | დაიღუპა 3 ადამიანი, მათ შორის 13 წლის ბიჭი
გამოქვეყნდა:
რუსმა ოკუპანტებმა გამთენიისას ხარკოვის ოლქი ისევ დაბომბეს. ოლქის გუბერნატორის, ოლეგ სინეგუბოვის ინფორმაციით, დაბომბვის შედეგად სალტივის რაიონში 3 ადამიანი დაიღუპა, მათ შორის 13 წლის ბავშვი, ერთმა მოქალაქემ კი დაზიანებები მიიღო.
"სამწუხაროდ, ოკუპანტების მიერ ხარკოვში, სალტივის რაიონის დაბომბვას 3 ადამიანის სიცოცხლე ემსხვერპლა - 13 წლის ბიჭი, კაცი და ქალი. დაშავდა 72 წლის ქალბატონი", - აღნიშნა სინეგუბოვმა.
მისივე თქმით, მონაცემები ჯერჯერობით საბოლოო არ არის.
შეგახსენებთ, გუშინ რუსი აგრესორების მიერ ხარკოვზე მიტანილ იერიშს 1 ადამიანი ემსხვერპლა, დაშავდა 14.
