რუსმა ოკუპანტებმა დონეცკის ოლქზე მორიგი იერიში მიიტანეს. ოლქის გუბერნატორის, პავლო კირილენკოს ინფორმაციით, დაბომბვის შედეგად 9 მშვიდობიანი მოქალაქე დაშავდა.
"რუსეთი კლავს მშვიდობიან მოსახლეობას. რუსებმა დონეცკის ოლქში 9 მშვიდობიანი მოქალაქე დაჭრეს, აქედან 3 ბახმუტში, 2 სლავიანსკში, 2 ლასტოჩკინოში, 1 ნოვომიხაილივკაში და 1 სევერსკში", - თქვა კირილენკომ.
მანვე განმარტა, რომ მარიუპოლსა და ვოლნოვახაში მსხვერპლის ზუსტი რაოდენობის დადგენა ამჟამად შეუძლებელია.
