ცხვარიჭამიაში მომხდარზე დაკავებულებს ხულიგნობას, ცრუ ინფორმაციის მიწოდებას და შეუტყობინებლობას ედავებიან | მკვლელს ამ დრომდე ეძებენ

გამოქვეყნდა:

ცხვარიჭამიაში, 20 წლის ბიჭის მკვლელობის საქმეზე დაკავებულ 7 პირს გამოძიება ხულიგნობას, ცრუ ინფორმაციის მიწოდებასა და დანაშაულის შეუტყობინებლობას ედავება. 

როგორც შსს-ს განცხადებაშია აღნიშნული, დადგენილია მკვლელობის ჩამდენის პირის ვინაობაც და მის დასაკავებლად ოპერატიული საგამოძიებო ღონისძიებები მიმდინარეობს. 

"შინაგან საქმეთა სამინისტროს მცხეთა-მთიანეთის პოლიციის დეპარტამენტის თანამშრომლებმა, ჩატარებული საგამოძიებო მოქმედებების და ოპერატიული ღონისძიებების შედეგად, მიმდინარე წლის 28 ივლისს ცხვარიჭამიაში მომხდარი, 2002 წელს დაბადებული მ.კ.-ს მკვლელობის ფაქტის გამოძიების ფარგლებში, ხულიგნობის, ცრუ ინფორმაციის მიწოდებისა და დანაშაულის შეუტყობინებლობის ბრალდებით 7 პირი დააკავეს.

პოლიციამ დაადგინა მკვლელობის ჩამდენი პირის ვინაობა. მიმდინარეობს აქტიური ოპერატიული საგამოძიებო ღონისძიებები მისი ადგილსამყოფელის დადგენისა და დაკავების მიზნით", - ნათქვამია შსს-ს განცხადებაში.

განზრახ მკვლელობის, ხულიგნობის, ცრუ ინფორმაციის მიწოდებისა და დანაშაულის შეუტყობინებლობის ფაქტებზე გამოძიება სისხლის სამართლის კოდექსის 108-ე, 239-ე, 370-ე და 376-ე მუხლებით მიმდინარეობს.

ამავე თემაზე:

მთავარი 21:00
უყურეთ ბოლო გამოშვებას

იხილეთ ჩვენს ეთერში

დღის მთავარი