რუსეთის საზოგადოებრივი აზრის კვლევის ცენტრის (ВЦИОМ)-ის ინფორმაციით, რუსეთის მოქალაქეების მესამედს (35%) სჯერა, რომ მზე დედამიწის ირგვლივ ტრიალებს და არა პირიქით. კვლევას რუსული გამოცემა Ria novosti ავრცელებს.
გამოკითხულთა 35%-მა თქვა, რომ მზე დედამიწის გარშემო ბრუნავს, სწორი პასუხი კი გამოკითხულთა 61%-მა გასცა.
რაც შეეხება შეკითხვას, მართალია თუ არა, რომ დედამიწა მზის გარშემო სრულ ბრუნვას ერთ თვეში აკეთებს, სწორად 69%-მა უპასუხა, 12% მოსაზრებას ეთანხმება, 19%-ს კი პასუხის გაცემა უჭირს.
გამოკითხვა ტელეფონით 2022 წლის 9 ივლისს ჩატარდა, სულ გამოიკითხა 1600 18-ს გადაცილებული რუსეთის მოქალაქე. მონაცემები შეწონილია სოციალურ-დემოგრაფიული პარამეტრების მიხედვით. ზღვრული შეცდომა 95%-იანი ალბათობით არ აღემატება 2,5%-ს.
