"შესაძლოა, რუსეთის ტერორიზმის სპონსორად აღიარებამ აშშ-სთან დიპლომატიური ურთიერთობები გაწყვეტოს" | ზახაროვა
გამოქვეყნდა:
რუსეთის საგარეო საქმეთა სამინისტროს პრესსპიკერის, მარია ზახაროვას თქმით, ვაშინგტონის მიერ რუსეთის ტერორიზმის სპონსორად აღიარებამ შესაძლოა, აშშ-სთან დიპლომატიური ურთიერთობების გაწყვეტა გამოიწვიოს.
მისი თქმით, რუსეთი მზადაა ნებისმიერი შესაძლო სცენარის განვითარებისთვის.
" როგორც ჩანს, ანტირუსულ ლტოლვაში ყველა არსებული სანქციების ინსტრუმენტები გაიარეს, რაც დიდწილად არაეფექტური აღმოჩნდა... ჩვენ მზად ვართ სიტუაციის ნებისმიერი განვითარებისთვის და თუ ვაშინგტონი გადაწყვეტს მოსკოვთან ურთიერთობის სრულ შეწყვეტას, ჩვენ გადავრჩებით" - თქვა ზახაროვამ.
შეგახსენებთ, რომ კვირას აშშ-ის სენატმა მიიღო რეზოლუცია, რომელიც მოუწოდებს სახელმწიფო დეპარტამენტს აღიაროს რუსეთის ფედერაცია ტერორიზმის სახელმწიფო სპონსორად ჩეჩნეთში, საქართველოში, სირიასა და უკრაინაში განვითარებული მოვლენების გამო.
