დაძაბულობა სომხეთ-აზერბაიჯანის საზღვარზე | დაპირისპირებას 3 ჯარისკაცი ემსხვერპლა, 15 მძიმედ დაიჭრა
გამოქვეყნდა:
სომხეთსა და აზერბაიჯანს შორის სიტუაცია კვლავ უკიდურესად დაიძაბა. გავრცელებული ინფორმაციით, მხარეებმა ერთმანეთის მიმართულებით ცეცხლი ისევ გახსნეს. სროლები და დაბომბვა ლაჩინის დერეფანთან, გამყოფ ხაზი სიახლოვეს მოხდა.
ბოლო მონაცემებით, მხარეებს შორის მომხდარ დაპირისპირებას 3 ჯარისკაცი ემსხვერპლა, 15 კი მძიმედ დაიჭრა.
ოფიციალური ბაქოს განცხადებით, აზერბაიჯანელმა სამხედროებმა მოწინააღმდეგის პოზიციაზე ბაირახტარის უპილოტო საფრენი აპარატით საპასუხო იერიში მხოლოდ მას შემდეგ მიიტანეს, რაც მოწინააღმდეგემ დივერსიულ-ტერორისტული აქტი მოაწყო.
საპირისპირო განცხადებას ავრცლებს ოფიციალური ერევანი და აზერბაიჯანის მთავრობას, 2020 წლის ნოემბერში რუსეთის შუამავლობით გაფორმებული ცეცხლის შეწყვეტის შეთანხმების დარღვევაში ადანაშაულებს.
