"პოტენციალს საქართველოში გამოვავლენთ" | პუტინის მთავარი მოკავშირე ქვეყანა საქართველოს ბაზრით ინტერესდება 

ბელარუსი სოფლის მეურნეობის მიმართულებით თავის ერთ-ერთ ახალ სტრატეგიულ პარტნიორად საქართველოს განიხილავს.

პუტინის მთავარი მოკავშირის, ალექსანდრე ლუკაშენკოს მედია, "ბელტა" სტატიას აქვეყნებს სათაურით -  "ბელარუსი თავის საექსპორტო პოტენციალს ნოემბერში საქართველოში გამოფენაზე გამოავლენს". ამ სტატიაში "ბელტა" იტყობინება, რომ ბელარუსი ნოემბერში საქართველოში სასოფლო-სამეურნეო გამოფენაში მიიღებს მონაწილეობას. 

"რეგიონის ერთ-ერთი უდიდესი ინდუსტრიული ღონისძიება - სოფლის მეურნეობისა და კვების მრეწველობის საერთაშორისო გამოფენის მე-20 ნაწილი - აგრო / საკვები / სასმელი / ტექნიკა / ექსპო - თბილისში 18-20 ნოემბერს გაიმართება. გამოფენასა და ბიზნესპროგრამაში მონაწილეობის მისაღებად, ბალარუსიდან საქართველოში დიდი ბიზნეს დელეგაცია ჩამოვა.

გამოფენა მოიცავს ფართო სპექტრს: სასოფლო-სამეურნეო ტექნიკა, წყლის გამწმენდი სისტემები, ვეტერინარული მედიცინა, საკვების წარმოების ტექნოლოგიები, ხორცი, რძის და თევზის პროდუქტები, საკონდიტრო ნაწარმი, ხილი და ბოსტნეული, სასმელები, შესაფუთი ხსნარები, ინგრედიენტები, გაყინული პროდუქტები, მაცივარი და კომერციული აღჭურვილობა და ა.შ. ღონისძიება ჩვეულებრივ აერთიანებს ასობით მონაწილე კომპანიას ათობით ქვეყნიდან, 5000-ზე მეტ ვიზიტორს." - ნათქვამია სტატიაში. 

"ბელტა" წერს, რომ "ბელარუსის ბიზნესსაზოგადოება დაინტერესებულია საქართველოთი", რადგან ის სტაბილურად მზარდი ბაზარია.