მელიტოპოლში ადგილობრივმა პარტიზანებმა პუტინის პარტიის, "ედინაია რასიას" შტაბი ააფეთქეს
გამოქვეყნდა:
დროებით ოკუპირებულ მელიტოპოლში ადგილობრივმა პარტიზანებმა პუტინის პარტიის "ერთიანი რუსეთის" (единая россия) შტაბი ააფეთქეს. ინფორმაციას "რია მელიტოპოლი" ავრცელებს.
"8-9 აგვისტოს ღამე, როდესაც უკრაინის შეიარაღებული ძალები მუშაობდნენ სამრეწველო ზონებში მდებარე სამხედრო ბაზებზე, დაახლოებით 22:00 საათზე აფეთქება მოხდა ქალაქის ცენტრში, "ერთიანი რუსეთის" შტაბ-ბინასთან. იქ რაშისტები მოღალატეებთან ერთად ივლისში კენჭისყრისთვის ემზადებიან", - წერს გამოცემა.
აფეთქებას მსხვერპლი არ მოჰყოლია. მედიის ცნობით, ამ ფორმით პარტიზანებმა "გაუგზავნეს მისალმება" ყველას, ვინც ყალბი რეფერენდუმის ორგანიზებაში მონაწილეობა გადაწყვიტა.
