რუსეთს შეუძლია ისტორიაში ყველაზე დიდი რადიაციული ავარიის პროვოცირება ზაპორიჟიეს ატომურ სადგურზე - ზელენსკი
გამოქვეყნდა:
უკრაინის პრეზიდენტი ამბობს, რომ რუსეთს შეუძლია ისტორიაში ყველაზე დიდი რადიაციული ავარიის პროვოცირება ზაპორიჟიეს ატომურ ელექტროსადგურზე.
ზელენსკიმ ამის შესახებ უკრაინის ჩრდილოეთ ევროპელი მოკავშირეების კონფერენციაზე სიტყვით გამოსვლისას ისაუბრა:
„თუ საბჭოთა ხელისუფლება ცდილობდა ჩერნობილის კატასტროფისა და მისი სრული შედეგების დამალვას, მაშინ რუსეთის ხელისუფლება ბევრად უფრო ცინიკური და სახიფათოა: ისინი თვითონ აკეთებენ ყველაფერს ბირთვული კატასტროფის რისკის მაქსიმალურად გაზრდისთვის და ატყუებენ მთელ მსოფლიოს, რომ სხვა არის დამნაშავე“, - განაცხადა ზელენსკიმ და შეახსენა ყველას, რომ ზაპოროჟიეს ელექტროსადგური სიდიდით ევროპის კონტინენტზე პირველი, ხოლო მსოფლიოში მესამეა.
ზელენსკის თქმით, რუსეთის საოკუპაციო არმია იყენებს ამ ატომურ ელექტროსადგურს ტერორისა და შეიარაღებული პროვოკაციებისთვის.
