ერევანში მდებარე სავაჭრო ცენტრ "სურმალუში" ძლიერი აფეთქება მოხდა, - ინფორმაციას სომხური მედია ავრცელებს.
წინასწარი მონაცემებით, არიან დაღუპულები და დაშავებულები, თუმცა მათი რაოდენობა ჯერჯერობით დაზუსტებული არ არის.
ადგილზე სასწრაფო სამედიცინო დახმარების და სახანძრო-სამაშველო ეკიპაჟებია მობილიზებული.
ამასთან, სოციალურ ქსელებში გავრცელებულ კადრებში ჩანს, რომ აფეთქებამ შენობის ნაწილი ჩამოანგრია. შესაძლოა, ნანგრევებში ადამიანები იყვნენ მოყოლილი.
აფეთქების გამომწვევი მიზეზი უცნობია.
