მომავალი წელი იყოს ერთობლივად ნიკოს [ნიკოლაძე] და ევროპის წელი - ზურაბიშვილის მიმართვა მთავრობას

გამოქვეყნდა:

სალომე ზურაბიშვილის ახალი ინიციატივა - ნიკო ნიკოლაძის დაბადებიდან 180 წლის იუბილესთან დაკავშირებით, პრეზიდენტი მთავრობას მიმართავს და მოუწოდებს, მომავალი წელი იყოს ერთობლივად ნიკოს და ევროპის წელი.

სალომე ზურაბიშვილის თქმით, სწორედ 2023 იქნება გადამწყვეტი საქართველოსთვის ევროინტეგრაციის გზაზე. ზურაბიშვილის თქმით, უნდა გაიმართოს საერთაშორისო კონფერენცია:

"მინდა მივმართო საზოგადოებას, მივმართო მთავრობას: ადგილობრივ და ცენტრალურ მთავრობას, პარლამენტს აქედან დიდი ჯიხაიშიდან, რამეთუ მომავალ წელს ჩვენ უნდა ვიზეიმოთ ნიკო ნიკოლაძის დაბადების 180 წელი. ეს საიუბილეო წელია და ამავე დროს ჩვენთვის, საქართველოსთვის მომავალი წელი გადამწყვეტი წელი იქნება ჩვენს ევროპულ გზაზე და ეს, დამთხვევა ალბათ, არ არის. 

ნიკო ნიკოლაძე იყო ის, რომელიც ყველაზე მეტად ამზადებდა საქართველოს ევროპისთვის და რომელსაც შემოჰყავდა ევროპა საქართველოში. ამიტომ, ძალიან სწორი იქნება, რომ მომავალი წელი იყოს ერთობლივად ნიკოს და ევროპის წელი. 

ამისთვის უნდა გავმართოთ ალბათ, საერთაშორისო კონფერენცია, რამეთუ საჭიროა, რომ ნიკოლაძის საქმიანობის შესწავლასა და მის პოპულარიზაციაში ჩავრთოთ ჩვენი ევროპელი პარტნიორები და ასევე, ქვეყანაში სტუდენტებთან, ადგილობრივ მმართველობასთან, ფოთში, დიდ ჯიხაიშში და არა მხოლოდ, შევისწავლოთ ის, თუ რა იყო ნიკო ნიკოლაძის ევროპის გზა.

ამავდროულად, მე ძალიან დიდი იმედი მაქვს, რომ ეს იქნება მართლაც ეროვნული თანხმობის საქმე. ის ყველასია, ნიკო ნიკოლაძე არავის არ ეკუთვნის, არც მე და ეკუთვნის ქვეყანას რომელსაც ემსახურებოდა და ეკუთვნის ამ ევროპულ იდეას. 

ასე რომ, ყველა გავერთიანდეთ და მომავალი წელი გავხადოთ დიდი საზეიმო წელი ევროპული საქართველოსთვის!" თქვა სალომე ზურაბიშვილმა.

ზურაბიშვილი დღეს ფოთში იმყოფებოდა და ნიკო ნიკოლაძის სტიპენდიანტებს, ფოთელ წარჩინებულ სტუდენტებს შეხვდა, ჯილდოს მიღება მიულოცა და აღნიშნა, რომ სტიპენდია თავისთავად წარმატებაა, რომლითაც უნდა ამაყობდნენ.

მთავარი 18:00
უყურეთ ბოლო გამოშვებას

იხილეთ ჩვენს ეთერში

დღის მთავარი