რუსეთი ადასტურებს, რომ უკრაინაში ჰიპერბგერითი რაკეტა "კინჟალი" სამჯერ გამოიყენა
გამოქვეყნდა:
რუსეთი აცხადებს, რომ უკრაინაში ჰიპერბგერითი რაკეტა "კინჟალი" სამჯერ გამოიყენა, - ამის შესახებ ინფორმაციას Reuters ავრცელებს.
გამოცემის ცნობით, რუსეთის თავდაცვის მინისტრმა სერგეი შოიგუმ თქვა, რომ უკრაინაში რაკეტები სამივე შემთხვევაში "მნიშვნელოვან სამიზნეებს მოხვდა".
"სპეციალური სამხედრო ოპერაციის დროს, ჩვენ სამჯერ გამოვიყენეთ იგი უკრაინაში", - ამბობს შოიგუ.
მისივე თქმით, აღნიშნული რაკეტები "შეუდარებელია", რადგან ფრენისას მისი ჩამოგდება შეუძლებელია.
ცნობისთვის, "კინჟალის" არის ახალი ჰიპერბგერითი იარაღის ნაწილი, რომელიც 2018 წელს რუსეთის პრეზიდენტმა, ვლადიმერ პუტინმა წარადგინა. პუტინმა თქვა, რომ რაკეტებს "შეუძლიათ დაარტყან მსოფლიოს თითქმის ნებისმიერ წერტილს და თავი აარიდონ აშშ-ს მიერ შექმნილ ანტისარაკეტო ფარს".
