ცუკერბერგი აღიარებს, რომ FBI-ის მითითებით, Facebook-ზე ბაიდენის შვილის სკანდალზე ინფორმაცია შეზღუდა
გამოქვეყნდა:
მარკ ცუკერბერგი აცხადებს, რომ აშშ-ის 2020 წლის საპრეზიდენტო არჩევნების წინ, FBI-ის მითითებით ჯო ბაიდენის შვილის, ჰანტერ ბაიდენის სკანდალთან დაკავშირებული ინფორმაციის გავრცელება Facebook-ზე შეზღუდა.
მისი თქმით, მან FBI-სგან გაფრთხილება მიიღო შესაძლო რუსული პროპაგანდის შესახებ.
"ჩვენ ვიფიქრეთ, თუ FBI, რომელიც ლეგიტიმური ინსტიტუტია ამ ქვეყანაში, ჩვენთან მოდის და გვეუბნება, რომ უნდა ვიყოთ ფხიზლად, მაშინ მსურს სერიოზულად მოვეკიდო ამას",- ამბობს ცუკერბერგი.
ცნობისთვის, 2020 წლის ოქტომბერში, აშშ-ის საპრეზიდენტო არჩევნებამდე ერთი თვით ადრე, ინფორმაცია გაავრცელა ჰანტერ ბაიდენის მიტოვებული ლეპტოპის შესახებ, რომელიც კონფიდენციალურ და სკანდალურ მასალებს შეიცავდა.
