ატომური ენერგიის საერთაშორისო სააგენტოს ექსპერტები ზაპოროჟიეს ელექტროსადგურზე გაემგზავრნენ
გამოქვეყნდა:
ზაპოროჟიეს ელექტროსადგურზე, რომელიც რუსეთის ოკუპაციის ქვეშ იმყოფება, ატომური ენერგიის საერთაშორისო სააგენტოს ექსპერტები გაემგზავრნენ. ინფორმაციას სააგენტოს გენერალური დირექტორი, რაფაელ მარიანო გროსი ავრცელებს.
მისი თქმით, მისია ზაპოროჟიეს ატომურ ელექტროსადგურზე ამ კვირაში ჩავა.
"ჩვენ უნდა დავიცვათ უკრაინასა და ევროპაში უდიდესი ბირთვული ობიექტის უსაფრთხოება. მე ვამაყობ, რომ ვხელმძღვანელობ ამ მისიას", - თქვა გროსიმ.
ამავდროულად, თავად ორგანიზაციაში განაცხადეს, რომ მისიის ძირითადი მიზნებია:
- დაზიანების შეფასება;
- უსაფრთხოების სისტემების ფუნქციონირების განსაზღვრა;
- საკადრო პირობების შეფასება;
- უსაფრთხოების გადაუდებელი ზომების განხორციელება.
