მიკოლაევის დაბომბვის შედეგად დაღუპულია 2 და დაჭრილია 11 მოქალაქე - ინფორმაციას რეგიონული ადმინისტრაციის ხელმძღვანელი, ვიტალი კიმი ავრცელებს.
თავდაპირველი მონაცემებით, დაჭრილი იყო 5 ადამიანი, თუმცა მოგვიანებით, ეს რიცხვი დაზუსტდა.
ოკუპანტების სარაკეტო თავდასხმის შედეგად, დაზიანებულია საცხოვრებელი კორპუსები და საგანმანათლებლო დაწესებულებები. ქალაქის ცენტრში სამაშველო და სასწრაფო დახმარების სამსახურები მუშაობენ.
მიკოლაევის ცენტრში ოკუპანტებმა დასახლებულ ადგილებს დღეს ცეცხლი გაუხსნეს.
