პაკისტანში წყალდიდობის შედეგად, ზარალი მინიმუმ $10 მილიარდს შეადგენს | დაღუპულთა რიცხვმა 1 100-ს გადააჭარბა
გამოქვეყნდა:
პაკისტანის დაგეგმარების მინისტრის თქმით, პირველადი შეფასებით, დამანგრეველმა წყალდიდობამ, რომელიც ქვეყანას დაატყდა თავს, მინიმუმ 10 მილიარდი დოლარის ზარალი მიაყენა.
ისტორიული მუსონური წვიმების გამო გამოწვეული უპრეცედენტო წყალდიდობის შედეგად, დაიღუპა სულ მცირე 1136 ადამიანი და დაზარალდა 33 მილიონზე მეტი, რაც ქვეყნის მოსახლეობის 15%-ზე მეტია.
ძლიერმა წვიმამ ასევე წაიღო გზები, ნათესები, სახლები, ხიდები და სხვა ინფრასტრუქტურა.
"ვფიქრობ, იქნება უზარმაზარი ზარალი. ჯერჯერობით, [ძალიან ადრეული] წინასწარი შეფასებით, ის 10 მილიარდ დოლარზე მეტია," განაცხადა პაკისტანის დაგეგმვის მინისტრმა, აჰსან იკბალმა.
მან, ასევე, აღნიშნა, რომ ქვეყანას სურსათის სერიოზული დეფიციტი შეექმნება უახლოეს კვირებსა და თვეებში.
