რუსეთმა ირანისგან დრონები შეიძინა | აშშ-ის თქმით, ოკუპანტი მათ გამოყენებას უკრაინასთან ომში გეგმავს
გამოქვეყნდა:
ჩვენთან ერთად მოიპოვეთ თავისუფლება!
რუსეთს ახლა აქვს ირანული უპილოტო თვითმფრინავები, რომლებსაც ისინი, სავარაუდოდ, უკრაინაში გამოიყენებენ - ამის შესახებ ბაიდენის ადმინისტრაციის წარმომადგენლებმა CNN-ს განუცხადეს.
ოფიციალურმა პირებმა თქვეს, რომ რუსებმა თვითმფრინავები ირანის აეროდრომიდან ამ თვის დასაწყისში წამოიღეს და აგვისტოს შუა რიცხვებში სატვირთო თვითმფრინავებით რუსეთში გადაიყვანეს.
რუსმა ოფიციალურმა პირებმა ირანში უპილოტო თვითმფრინავების შესწავლა გასული თვის ბოლოს დაიწყეს, აშშ ახლა თვლის, რომ რუსეთმა ოფიციალურად შეიძინა Mohajer-6 და შაჰედის სერიის დრონები - Shahed-129 და Shahed-191. რუსეთი დრონებს, სავარაუდოდ, უკრაინის ომში გამოიყენებს.
ოფიციალური პირების თქმით, რუსი ოპერატორები ჯერ კიდევ ვარჯიშობენ უპილოტო თვითმფრინავებზე ირანის შიგნით, და აშშ თვლის, რომ რუსეთი აპირებს ასობით მათგანის იმპორტს, რათა გამოიყენოს საჰაერო თავდასხმებისა და უკრაინის შიდა ტერიტორიაზე დამიზნებისთვის.
აღსანიშნავია, რომ აშშ-ს დაზვერვის წარმომადგენლების თქმით, ტესტირებისას ბევრმა უპილოტო თვითმფრინავმა, რომელიც რუსეთმა ირანისგან იყიდა, უკვე განიცადა მრავალი წარუმატებლობა.
