ხმაურის ფონზე მიმდინარეობს ქუთაისის საკრებულოს სხდომა, ოპოზიცია და სამოქალაქო სექტორი მოსწავლე ახალგაზრდობის პარკში ოკუპანტი ქვეყნის დროშის აღმართვას და ამაზე ქართული ოცნების დუმილს აპროტესტებს . მესამე სექტორის წარმომადგენლებმა ქალაქის მერს სტიკერი წარწერით "პუტინი ოკუპანტია" გადასცეს, თუმცა რუსეთის პრეზიდენტის შეურაცხმყოფელი პოსტერი იოსებ ხახალეიშვილმა გადააგდო.
ქუთაისის მერიამ მოსწავლე-ახალგაზრდობის პარკში, რუსეთის დროშის გამოფენასთან დაკავშირებით განცხადება გაავრცელა, სადაც ნათქვამია. რომ დადგენილია პირი, რომელმაც პარკის ტერიტორიაზე ოკუპანტის სიმბოლო გამოფინა და შედგენილია ადმინისტრაციულ სამართალდარღვევათა ოქმი.
