ხარკოვის რეგიონული საბჭო: უკრაინის შეიარაღებულმა ძალებმა კუპიანსკი გაათავისუფლეს
გამოქვეყნდა:
უკრაინის შეიარაღებულმა ძალებმა რუსი ოკუპანტებისაგან ხარკოვის ოლქის კუპიანსკი გაათავისუფლეს - ამის შესახებ დღეს დილით, რეგიონული საბჭოს თავმჯდომარის მრჩეველმა, ნატალია პოპოვამ განაცხადა.
"კუპიანსკი უკრაინაა! დიდება უკრაინის შეიარაღებულ ძალებს!",- ამბობს პოპოვა.
ცნობისთვის, უკრაინის პარლამენტის წევრებმა, ბლოგერებმა და ჯარისკაცებმა ასევე განაცხადეს, რომ ქალაქი განთავისუფლდა. ოფიციალური დადასტურება ამ დროისთვის არ არსებობს.
ხარკოვის ოლქის სამხედრო ადმინისტრაციამ „უკრაინსკა პრავდას“ დაუდასტურა, რომ კუპიანსკი თავისუფალია.
