საქართველო უფრო აქტიური და დამაჯერებელი უნდა იყოს - ეს არის კიდევ ერთი ღია მოწოდება "ქართული ოცნების" ხელისუფლებისადმი, რომელიც ქვეყნის საგარეო ურთიერთობებს ეხება. მაკკეინის ინსტიტუტის აღმასრულებელი დირექტორი და სახელმწიფო მდივნის თანაშემწის ყოფილი მოადგილე - "ქართულ ოცნებას" ურჩევს, კიდევ უფრო მეტი ძალისხმევით ჩაერთოს რუსეთის სანქცირების პროცესში.
ეველინ ფარკაშის ინტერვიუ ფაქტობრივად მხილებადაც კი იქცა - გამოცდილი პოლიტიკოსი დიპლომატიური ოსტატობით მიანიშნებს, რომ რუსეთს, რომელსაც დასავლური სამყარო სანქციებს აკისრებს, საქართველო აძლევს წვდომას ტექნოლოგიებზე ამ სანქციების ასარიდებლად, და ასეთი პოლიტიკა ვერ ჩაჯდება ქართულ დასავლური თანამშრომლობის ფორმატში.
