"სიტუაცია შეიძლება ნებისმიერ მომენტში გაუარესდეს" | სომხეთის ერთ-ერთი სოფლიდან ქალები და ბავშვები გაიყვანეს
გამოქვეყნდა:
სომხური მედიის ცნობით, გეღარქუნიკის გუბერნიის სოფლიდან, ვერინ შორჟადან ქალები და ბავშვები გაიყვანეს. მედიის ინფორმაციით, ამ წუთებში, სოფელში მდგომარეობა შედარებით სტაბილურია.
"ამჟამად ბევრს არ ისვრიან, მაგრამ დაძაბულობა არ გასულა, სოფლიდან ქალები და ბავშვები გამოასახლეს, რადგან სიტუაცია შეიძლება ნებისმიერ მომენტში გაუარესდეს და აზერბაიჯანმა სხვა პროვოკაციას მიმართოს“, - ამბობს სოფლის რწმუნებული ერანოსიანი.
ბოლო ინფორმაციით, გუშინ დაწყებული სამხედრო ოპერაციები ყველაზე ინტენსიური იყო და გრძელდება გეღარქუნიკის რეგიონის სასაზღვრო რაიონებში. აზერბაიჯანის შეიარაღებულმა ძალებმა ასევე დაუმიზნეს სამოქალაქო ინფრასტრუქტურა.
შეგახსენებთ, რომ 13 სექტემბერს, 00:05-ზე აზერბაიჯანის შეიარაღებული ძალების ნაწილებმა არტილერიიდან და მსხვილკალიბრიანი შაშხანებიდან ინტენსიური ცეცხლი დაიწყეს გორის, კაპანის, სოტკის, ჯერმუქის, არტანიშისა და იშხანასარის მიმართულებით მიმართულებით, გარდა ამისა აზერბაიჯანის შეიარაღებული ძალები თავს დაესხნენ როგორც სამხედრო, ასევე სამოქალაქო ობიექტებს.
