ამერიკის შეერთებული შტატების პრეზიდენტი, ჯო ბაიდენი რუსეთს აფრთხილებს, არ გამოიყენოს ქიმიური ან ტაქტიკური ბირთვული იარაღი უკრაინის ომში.
CBS News-თან ინტერვიუში ბაიდენმა თქვა, რომ მსგავსი ქმედება "სრულიად შეცვლის ომის სახეს". ბაიდენს არ უთქვამს რა იქნება აშშ-ის პასუხი რუსეთის მხრიდან ამ იარაღის გამოყენების შემთხვევაში.
პუტინმა უკრაინაში შეჭრის შემდეგ, თებერვალში, ქვეყნის ბირთვული ძალები "განსაკუთრებულ" მზადყოფნაში გადაიყვანა.
