რუსეთში ნაწილობრივი მობილიზაციის გამოცხადების შემდეგ, რუსები გარბიან ქვეყნებში, სადაც უვიზოდ შესვლა შეუძლიათ - ერთ-ერთი მათგანი აზერბაიჯანია.
BBC-ის აზერბაიჯანული სამსახური გაესაუბრა წვევამდელებს, რომლებიც აზერბაიჯანში რუსეთიდან ბოლო დღეებში ჩავიდნენ.
ბილეთები ბაქოში, ისევე როგორც სხვა ქვეყნების დედაქალაქებში, რომლებიც რუსებს უვიზოდ იღებენ, მობილიზაციის გამოცხადების დღიდან 9-10-ჯერ გაძვირდა. ბაქოში ჩასულმა რუსეთის მოქალაქემ თქვა, რომ ბიზნესი რუსეთში იმიტომ დატოვა, რომ ბრძოლა არ სურდა.
"ხალხი დაბნეულია, ისინი ეძებენ გაქცევის გზას", - ამბობს BBC-ის კიდევ ერთი წყარო, რომელიც რუსეთიდან ჩამოვიდა. იგი აღნიშნავს, რომ მობილიზაციის განკარგულებაში არ არის მითითებული წვევამდელების ასაკი და ზოგადად გაურკვეველია დაქირავების კრიტერიუმები.
"ყველა გარბის, სადაც შეუძლია: ეგვიპტეში, თურქეთსა და სხვა ქვეყნებში. ჩვენ აზერბაიჯანში ჩავედით, ბილეთი აქ ვიშოვეთ, თუმცა მინდოდა სტამბულში წასვლა", - განუცხადა BBC-ს ახალგაზრდამ, რომელმაც ვინაობის დასახელება არ ისურვა.
