"კრაკენის" სპეცრაზმმა რუსებისგან ხარკოვის ოლქის კიდევ ერთი დასახლება გაათავისუფლა
გამოქვეყნდა:
უკრაინის თავდაცვის სამინისტროს მთავარი სადაზვერვო სამმართველოს ინფორმაციით, "კრაკენის" სპეცრაზმმა ხარკოვის რეგიონის დასახლება, კუპიანსკ-უზლოვა, რუსი ოკუპანტებისგან გაათავისუფლა. ქალაქის თავზე ისევ უკრაინის დროშა ფრიალებს.
- "დღეს, 2022 წლის 27 სექტემბერს, კრაკენის სპეცრაზმმა გაათავისუფლა კიდევ ერთი ქალაქი, კუპიანსკი-უზლოვი.", - წერია განცხადებაში.
ბოლო მონაცემებით, უკრაინელებმა ხარკოვის ოლქში რუსი დამპყრობლებისგან უკვე 454 დასახლება გაათავისუფლეს.
უკრაინის შეიარაღებულმა ძალებმა რეგიონში კონტრშეტევა ოფიციალურად სექტემბრის დასაწყისში დაიწყეს.
