ტყვეობის 365 დღე… ვალდებული ვარ ვიყო იქ, სადაც წყდება საქართველოს და უკრაინის ბედი. თავისუფლება ან სიკვდილი! - მიხეილ სააკაშვილი 

ტყვეობის 365 დღე ... ეს არის ასევე ქართველების სამამულო ომი,სადაც წყდება ჩვენი ქვეყნის ყოფნა-არყოფნის საკითხი. მინდა დავსვა კითხვა-როგორ არის შესაძლებელი,რომ თანამედროვე არმიის შემქმნელი ამ დიდ ბრძოლას თვალს ვადევნებ ციხიდან?  - საქართველოს მესამე პრეზიდენტი მიხეილ სააკაშვილი, კლინიკა "ვივამედიდან" განცხადებას ავრცელებს. 

მიხეილ სააკაშვილი წერს, რომ ახლა უნდა იყოს იქ, სადაც საქართველოსა და უკრაინის ბედი წყდება. 

"ტყვეობის 365 დღე

ეს არის ასევე ქართველების სამამულო ომი,სადაც წყდება ჩვენი ქვეყნის ყოფნა-არყოფნის საკითხი.

მინდა დავსვა კითხვა-როგორ არის შესაძლებელი,რომ თანამედროვე არმიის შემქმნელი ამ დიდ ბრძოლას თვალს ვადევნებ ციხიდან?

სხვა თუ არაფერი,ახლა ფრონტის წინა ხაზზე უნდა ვიდგე ჯავშანჟილეტით და ავტომატით.ვალდებული ვარ,როგორც უკრაინის უმაღლესი თანამდებობის პირთა წრის წარმომადგენელი და როგორც უკრაინის რიგითი მოქალაქე,როგორც საქართველოს პატრიოტი,ვიყო იქ,სადაც წყდება უკრაინის და საქართველოს ბედი.

ჩვენ აუცილებლად გავიმარჯვებთ!...ამას ვამბობ,როგორც მთავარსარდალი,რომელმაც პირველად ვიწვნიე რუსეთის სრულმასშტაბიანი თავდასხმა და გადავარჩინე მაშინ თქვენთან ერთად ჩვენი ქვეყანა.

საერთოდ აღარ მაინტერესებს საქართველოს შიდა პოლიტიკური გარჩევები,იმდენად დიდი მასშტაბის მოვლენა ხდება მსოფლიოში,სადაც მეც მიცნობენ და იცნობენ ჩემს ბრძოლას რუსეთთან.

თავისუფლება,ან სიკვდილი!",- წერს მიხეილ სააკაშვილი