ლუგანსკის სამხედრო ადმინისტრაციის ხელმძღვანელმა, სერგეი გაიდაიმ არხის FreeDom-ის ეთერში განაცხადა, რუსმა სამხედროებმა, რომლებიც ლიმანის ალყაში აღმოჩნდნენ, უკან დახევის ნებართვა ითხოვეს, მაგრამ უარი მიიღეს.
გაიდაის თქმით, მათ მხოლოდ სამი ვარიანტი აქვთ: წავიდნენ გარღვევისკენ, დანებდნენ ან დაიხოცონ. მისი თქმით, დაახლოებით 5 000 რუსი ჯარისკაცია ალყაში მოქცეული.
მანამდე თავად ვოლოდიმირ ზელენსკიმ განაცხადა, რომ უკრაინა ხელშესახებ შედეგებს აღწევს. კერძოდ, მან დაადასტურა იამპოლის (ვინიცა) გათავისუფლება და უკრაინის არმიის წარმატებები ლიმანთან.