რუსეთმა სამოქალაქო ავიაციის საერთაშორისო ორგანიზაციის [ICAO] მმართველ საბჭოში ადგილი დაკარგა, - ამის შესახებ ინფორმაციას Reuters ავრცელებს. გამოცემის ცნობით, რუსეთმა მმართველ საბჭოში ხელახლა ასარჩევად საკმარისი ხმები ვერ მიიღო .
რუსეთი კი პროცედურულ გადახედვას და ახალ კენჭისყრას მოითხოვს.
"ჩვენ ამას განვიხილავთ, როგორც წმინდა პოლიტიკურ ნაბიჯს, რომელსაც არავითარი კავშირი არ აქვს რუსეთის პოზიციასთან სამოქალაქო ავიაციის სფეროში", - ამბობს რუსეთის წარმომადგენელი
ცნობისთვის, ICAO-ს ასამბლეის სხდომა, რომელიც ყოველ სამ წელიწადში ერთხელ იმართება, 7 ოქტომბრამდე გაგრძელდება.