ურთიერთშელაპარაკების ნიადაგზე კაცი დაჭრა და მიიმალა - თბილისში ერთი პირი დააკავეს
გამოქვეყნდა:
შინაგან საქმეთა სამინისტროს ცნობით, 2004 წელს დაბადებული თ.ნ. ჯანმრთელობის განზრახ მძიმე დაზიანების ბრალდებით დააკავეს. გამოძიება ამბობს, რომ მან პირველ ოქტომბერს მოქალაქე ცივი იარაღით დაჭრა და მიიმალა.
"გამოძიებით დადგინდა, რომ ბრალდებულმა მიმდინარე წლის 1-ელ ოქტომბერს, თბილისში, ნაძალადევის რაიონში, ზესტაფონის ქუჩაზე, ურთიერთშელაპარაკების ნიადაგზე, 1991 წელს დაბადებული ლ.ჭ. ცივი იარაღის გამოყენებით დაჭრა და შემთხვევის ადგილიდან მიიმალა. დაჭრილ მამაკაცს შესაბამისი სამედიცინო დახმარება გაეწია, მის სიცოცხლეს საფრთხე არ ემუქრება", - წერია უწყების განცხადებაში.
ჯანმრთელობის განზრახ მძიმე დაზიანების ფაქტზე გამოძიება საქართველოს სისხლის სამართლის კოდექსის 117-ე მუხლის 1-ლი ნაწილით მიმდინარეობს. დანაშაული 4-დან 7 წლამდე ვადით თავისუფლების აღკვეთას ითვალისწინებს.
