ამერიკელი სამხედროების ცნობით, სომალის საჰაერო თავდასხმის შედეგად ალ-შაბაბის ლიდერი მოკლეს
გამოქვეყნდა:
ამერიკელი სამხედროები აცხადებენ, რომ სომალის საჰაერო თავდასხმის შედეგად ისლამისტი ექსტრემისტების დაჯგუფების "ალ-შაბაბის" ლიდერი მოკლეს - ინფორმაციას Reuters ავრცელებს.
არსებული ინფორმაციით, მოკლული ექსტრემისტი დაჯგუფების ერთ-ერთი თანადამფუძნებელი იყო. "ალ-შაბაბი" სომალელი ისლამისტი ექსტრემისტების დაჯგუფებაა, რომელიც ქვეყნის კონტროლის მოპოვების მიზნით სომალის გარდამავალ მთავრობას ებრძვის.
დაჯგუფებამ ტერორისტულ ორგანიზაცია "ალ-ქაიდას" ერთგულება გამოუცხადა. დაჯგუფების მთავარი მიზანი სომალიში ისლამური სახელმწიფოს შექმნაა, ისინი 10 წელზე მეტია სომალის ცენტრალურ ხელისუფლებას ებრძვიან. გარდა ამისა, დაჯგუფება ხშირად ესხმის თავს როგორც სამხედრო, ასევე, სამოქალაქო ობიექტებს.
