მარინა ოვსიანიკოვამ, ჟურნალისტმა, რომელმაც რუსეთის ომი უკრაინაში პირდაპირ ეთერში გააპროტესტა, რუსეთი დატოვა და ამჟამად ერთ-ერთ ევროპულ ქვეყანაში იმყოფება. ამის შესახებ მისმა ადვოკატმა დმიტრი ზახვატოვმა განაცხადა.
"მარინა ოვსიანიკოვა იძულებული იყო დაეტოვებინა ქვეყანა", - თქვა მან.
44 წლის ოვსიანიკოვას აგვისტოში ორთვიანი შინაპატიმრობა მიუსაჯეს. რუსეთის შეიარაღებული ძალების შესახებ ყალბი ამბების გავრცელების ბრალდებით მას 10 წლამდე თავისუფლების აღკვეთა ემუქრებოდა.
5 ოქტომბერს ცნობილი გახდა, რომ რუსი ჟურნალისტი შინა პატიმრობიდან გაიქცა.
