რუსული სამთავრობო მედიის ТАСС-ის ინფორმაციით, რუსეთის საგარეო საქმეთა მინისტრმა, სერგეი ლავროვმა G20-ის სამიტი უკვე დატოვა.
გამოცემის ცნობით, ლავროვმა სამიტზე დაგეგმილი პროგრამა დაასრულა და რუსეთში გაფრინდა, თუმცა სამიტი ჯერ არ დასრულებულა და ის 16 ნოემბერსაც გრძელდება.
ცნობისთვის, გერმანიის კანცლერის ოლაფ შოლცის ინფორმაციით, G20-ის სამიტის მონაწილეები მუშაობენ დეკლარაციაზე, რომელშიც დაგმობენ რუსეთის მიერ უკრაინაში დაწყებულ ომს.
დღეს REUTERS-მა გაავრცელა დეკლარაციის პროექტი.
