უკრაინაში დაღუპულ ქართველ გმირს, ჯამბულათ ხოფერიას სამშობლოში 04:30 საათზე ჩამოასვენებენ
გამოქვეყნდა:
უკრაინაში დაღუპულ ჯამბულათ (ჯაბა) ხოფერიას სამშობლოში დღეს, 8 დეკემბერს, 04:30 საათზე ჩამოასვენებენ. თბილისის საერთაშორისო აეროპორტის ლასარეს ტერმინალში მის დასახვედრად სამოქალაქო აქტივისტები, პოლიტიკური პარტიების წევრები და საზოგადოება შეიკრიბება.
ჯამბულათ (ჯაბა) ხოფერია უკრაინაში დაღუპული 27-ე ქართველი მებრძოლია.
25 წლის ქართველი გმირი უკრაინაში ომის დაწყების პირველივე დღეებიდან იბრძოდა, ერთ-ერთი დაბომბვისას, ის ქიმიური ნივთიერებით მოიწამლა, გაიარა სათანადო მკურნალობის კურსიც, მაგრამ ეს უშედეგო აღმოჩნდა. ქართველი მებრძოლი 1 დეკემბერს დაიღუპა.
დიდება გმირებს!
იხილეთ ასევე:
